જસદણ અને વીંછિયા પંથકના 60 ગામમાં પાઈપલાઈનની કામગીરી કરવાની હોવાથી તા.22મીથી ત્રણ દિવસ પાણી પુરવઠો બંધ રહેશે, જે કામ પુરું થયા બાદ તરત પૂર્વવત કરી દેવામાં આવશે. જે પાણી પુરવઠા બોર્ડની યાદીમાં જણાવાયું છે.
રાજકોટ જિલ્લાના મોઢુકા હેડવર્ક્સ ખાતે વિવિધ પાઈપલાઈનની કામગીરી હોવાથી તા.22 નવેમ્બરથી તા.24 નવેમ્બર સુધી શટડાઉન હોવાથી વીંછિયા તાલુકા તથા જસદણ તાલુકાના મોઢુકા હેડવર્ક્સ આધારીત વીંછિયા જૂથ અને ભડલી જૂથ હેઠળ 60 ગામોમાં પાણી પુરવઠો બંધ રહેશે, જે રીપેરીંગ કર્યા બાદ કાર્યરત કરવામાં આવશે, તેમ ગુજરાત પાણી પુરવઠા અને ગટર વ્યવસ્થા બોર્ડની યાદીમાં જણાવાયું છે.
