લગ્નની સિઝન શરૂ થઈ ગઈ છે, જેમાં આજકાલ લોકો વોટ્સએપ પર લગ્નના કાર્ડ મોકલીને આમંત્રણ આપવા લાગ્યા છે. તમને લાગતું હશે એમાં શું નવું છે એ તો સામાન્ય બાબત છે.
શું તમે જાણો છો કે સાયબર ફ્રોડ કરનારાઓએ આ લગ્ન કાર્ડને પણ છોડ્યા નથી અને તેનો ઉપયોગ લોકો છેતરવા માટે કરી રહ્યા છે. ચાલો જાણી શું છે આ સ્કેમની રીત અને તેનાથી કેવી રીતે બચી શકાય?
કેવી રીતે થાય છે છેતરપિંડી ?
સાયબર ઠગ વોટ્સએપ દ્વારા વેડિંગ ઇન્વિટેશન કાર્ડના નામે APK ફાઇલ મોકલી રહ્યા છે, જેના પછી બેંક ખાતા ખાલી થઈ રહ્યા છે. સાયબર ફ્રોડ એક્સપર્ટ્સનું કહેવું છે કે લોકો APK ફાઈલને જાણતાં-અજાણતાં ખોલે છે, ત્યારબાદ તે ડિવાઈસમાં ઓટો ઈન્સ્ટોલ થઈ જાય છે.
આ પછી, ડિવાઈઝનું ઍક્સેસ સાયબર ગુનેગારો પાસે જતું રહે છે. સાયબર ગુનેગારો તમારા ફોનના મેસેજો વાંચે છે, જેમાં OTP, PIN નંબર વગેરે જેવી સેંસિટિવ ફાઈનેન્શિયલ માહિતી હેકર્સને જાય છે. સાયબર હેકર્સના હાથમાં જતા મોબાઈલ ફોનના નિયંત્રણને કારણે તેઓ સરળતાથી અનધિકૃત ઓનલાઈન ટ્રાન્ઝેક્શન કરી શકે છે અથવા બેંક ખાતામાંથી ફંડ ટ્રાન્સફર કરી શકે છે.
અસલી અને નકલી ઇન્વિટેશન કાર્ડને કેવી રીતે ઓળખવું ?
સામાન્ય રીતે, જ્યારે કોઈ વોટ્સએપ પર લગ્નનું કાર્ડ મોકલે છે, ત્યારે ફાઇલ PDF ફોર્મેટમાં હોય છે.
ઉદાહરણ તરીકે, ઇન્વિટેશન manavjeet.pdf. ધ્યાનમાં રાખો કે જો .apk, .exc,.pif,.shs,.vbs કોઈપણ ફાઇલ અથવા ઇન્વિટેશન કાર્ડના અંતે લખાયેલું હોય. તેથી આવી લિંક્સ પર બિલકુલ ક્લિક કરશો નહીં.
બિકાનેરમાં આવો જ એક કિસ્સો સામે આવ્યો
બીકાનેરના પીડિત કૈલાશે સાયબર પોલીસ સ્ટેશનમાં કેસ નોંધાવ્યો છે કે તેને વોટ્સએપ મેસેજિંગ એપ પર લગ્નના કાર્ડની ફાઈલ મળી હતી, જ્યારે તેણે તેને ખોલીને જોયું તો તે કોઈ તે કોઈને ઓળખતો નહતો. આ પછી પીડિતાને લાગ્યું કે કોઈએ તેને ભૂલથી મોકલી દીધું છે. ચાર દિવસ બાદ પીડિતાના બેંક ખાતામાંથી 4.50 લાખ રૂપિયા ઉપડી ગયા હતા.
અજમેરથી પણ સામે આવ્યો કિસ્સો
અજમેરના મંગલીયાવાસમાં પીએમ કિસાન નિધિની ફાઇલ ખોલતાં જ તેમના ખાતામાંથી પૈસા ઉપડી ગયા હતા. સાયબર એક્સપર્ટનું માનવું છે કે વોટ્સએપને પણ સુરક્ષિત રાખવું ખૂબ જ જરૂરી છે.
