જસદણના બાખલવડ ગામે આવેલ આલણસાગર નાની સિંચાઈ યોજના અંતર્ગત બનાવવામાં આવેલા આ ડેમની કુલ સપાટી 31.50 ફૂટ છે.
ત્યારે ડેમના ઉપરવાસના ગામોમાં અનરાધાર વરસાદ પડતાં હાલ ડેમની સપાટી 30.25 ફૂટ પહોંચી ગઈ છે.
જેથી ડેમ ઓવરફ્લો થવાની સ્થિતિમાં જોવા મળી રહ્યો છે. હાલ ડેમમાં પાણીની આવક પણ વરસાદના પગલે સતત ચાલુ છે.
તેથી ડેમની હેઠવાસમાં આવતા ગામના લોકોને નદીના પટમાં અવર-જવર ન કરવા તથા સાવચેતીના પગલા લેવા જસદણ સિંચાઈ વિભાગના નાયબ કાર્યપાલક ઈજનેર દ્વારા સૂચના આપવામાં આવેલ છે. તેમજ સાવધ રહેવા તાકીદ કરવામાં આવી છે.
