વીંછીયા તાલુકાના અજમેર ગામે પોલીસને મોટી સફળતા હાથ લાગી છે. ગામના રહેવાસી રમેશભાઈ છનાભાઈ ઝાપડિયાની વાડીમાંથી વિદેશી બનાવટનો ઇંગલિશ દારૂનો જથ્થો મળી આવતા વીંછીયા પોલીસ દ્વારા કાયદેસરની કાર્યવાહી કરવામાં આવી છે.
પોલીસના સૂત્રોના જણાવ્યા અનુસાર, ગુપ્ત માહિતીના આધારે પોલીસે ખાસ રેડ યોજી હતી. આ રેડ દરમિયાન ઝાપડિયાની વાડીમાંથી મોટી માત્રામાં વિદેશી દારૂની બોટલો મળી આવી હતી. ઘટનાસ્થળેથી દારૂ જપ્ત કરી લેવામાં આવ્યો છે અને આરોપી વિરુદ્ધ Prohibition Act હેઠળ ગુનો દાખલ કરવામાં આવ્યો છે.
પોલીસ હવે આ દારૂ કોના થકી લાવવામાં આવ્યો હતો અને કોણ-કોણ આ નેટવર્કમાં સંડોવાયેલ છે તેની તપાસમાં લાગી ગઈ છે. વધુ કાર્યવાહી ચાલુ છે.
વીંછીયા પોલીસે અપીલ કરી છે કે ગામમાં કોઈ પણ બેદરકાર પ્રવૃતિ દેખાય તો તરત પોલીસને જાણ કરવામાં આવે જેથી સમાજમાં શાંતિ અને કાયદો વ્યવસ્થા જળવાઈ રહે.
