વિંછીયામાં વીજ ચેકીંગ દરમિયાન ચોરી કરનાર દુકાનદારએ લાઇનમેનને ફડાકા ઝીંકી ફરજમાં રુકાવટ કરી
વિંછીયા પંથકમાં દરરોજ લાખો રૂપિયાની વીજ ચોરી થતી હોવાના આક્ષેપના પગલે વીજ કચેરીએ સઘન ચેકીંગ હાથ ધરતાં ગુરૂવારે વીજ ચેકીંગ દરમિયાન ચોરી કરનાર દુકાનદાર અને તેના મળતિયાએ લાઇનમેનને ફડાકા ઝીંકી દેવામાં આવતાં આ અંગે પોલીસ ફરિયાદ નોંધાવી છે વીંછિયા પોલીસ મથકે વીજ કંપનીમાં જૂનાગઢમાં ફરજ બજાવતા લાઈનમેન વિનોદભાઈ કાનજીભાઈ રાખસીયા એ જણાવ્યું હતું કે વીંછિયાના જસદણ રોડ પર દુકાન ધરાવતાં અનિલ પરષોત્તમભાઈ જોગરાજીયા નામનો ઇસમ ખુલ્લેઆમ વીજ ચોરી કરી રહ્યો હતો ત્યારે અને તે મીટર ઊતારવાનું છે એમ કહેતા તેઓએ આ મીટર અમને ઉતારવા આપ્યું ન હતું અને પાછળથી આ દુકાનદાર અને અને તેનો મળતીયો બાઇક સાથે ઘસી આવી મને ફડાકા ઝીંકી દીધા હતા આ અંગે વીંછિયા પોલીસે લાઈનમેનની વિવિધ કલમો હેઠળ ગુનો નોંધી વધુ તપાસ હાથ ધરી છે આ બનાવે વીંછિયામાં ભારે ચકચાર જગાવી છે ફડાકાને લઈ વીજ કંપની આગામી દિવસોમાં વીજ ચેકીંગ કડક બનાવશે એમ જાણવા મળેલ છે.
