જસદણમાં ચા નો ધંધો ચલાવતાં અમરશી રાઠોડ નોખી માટીના માનવી
હુસામુદ્દીન કપાસી દ્વારા જસદણ
જસદણની શાકમાર્કેટમાં ચા ની કેબિન રાખી ચા કીટલી ચલાવતા અમરશી રાઠોડ પોતાના ધંધા સાથે સેવા ભાવના ધરાવતાં હોય એટલે શહેરમાં ખાસ્સા લોકપ્રિય બની ગયાં છે બુધવારે આંતરરાષ્ટ્રીય ચા દિવસ બહુ ગાજ્યો પણ જસદણના અમરશી રાઠોડ ચા ના ધંધા સાથે સંકળાઈને પોતાની સેવા ભાવના વહાવી છે વાત કરીએ તો શહેર ભાજપમાં મહત્વનો હોદ્દો ધરાવતા અમરશી રાઠોડની વાત કરીએ તો તે તેમની ચા કીટલી પર આવતાં ગ્રાહકો પૈકી કોઈ ગરીબ વ્યક્તિ પાસે પૈસા ન હોય તો પણ તેમને ચા પીવડાવી તેમની દુઆ મેળવે છે આટલું જ નહીં પણ કોઈ ભૂખ્યું હોય તો તેને પણ ચા ની સાથે પારલે કંપનીના બિસ્કિટનું પડીકું પણ આપી ચા ની ડબલ ચુસ્કી મરાવી પુણ્યનું ભાથું બાંધી રહ્યાં છે ગત કોરોનાની પહેલી અને બીજી લહેરમાં જસદણની સરકારી હોસ્પિટલમાં દાખલ થયેલ દર્દી અને તેમના પરિવારજનોને પણ ચા પીવડાવી એક ખરાં અર્થમાં સેવા કરી હતી આજે આંતરરાષ્ટ્રીય ચા દિવસ અનુસંધાને તેમને ઠેર ઠેરથી શુભેચ્છા મળી હતી.
