1 કિલો ઘીમાં કેટલી પ્રાણી ચરબી ભેળવવામાં આવે છે? સાચા ઘીનું સૌથી વધુ ઉત્પાદન કયા રાજ્યમાં થાય છે ? દેશી ઘી ખાવાના શું ફાયદા છે ?
આંધ્રપ્રદેશના તિરુપતિ મંદિરના લાડુ પ્રસાદનો મુદ્દો સતત જોર પકડી રહ્યો છે. મુખ્યમંત્રી ચંદ્રબાબુ નાયડુએ આરોપ લગાવ્યો છે કે અગાઉની સરકાર દરમિયાન લાડુનો પ્રસાદ તૈયાર કરવા માટે વપરાતા ઘીમાં ફિશ ફ્રાય અને પશુઓની ચરબીની ભેળસેળ જોવા મળી હતી.
તમને જાણીને નવાઈ લાગશે કે એક કિલો ઘીમાં કેટલી પ્રાણી ચરબી ઉમેરવામાં આવે છે. ચાલો જાણીએ કે નકલી ઘી કેવી રીતે બને છે અને ભારતમાં કયા રાજ્યમાં તેનું સૌથી વધુ ઉત્પાદન થાય છે અને તેના ફાયદા ?
કેવી રીતે તૈયાર થાય છે નકલી ઘી ?
નકલી ઘી તૈયાર કરવા માટે તેમાં લાર્ડ (સફેદ પદાર્થ) હોય છે જે ડુક્કરની ચરબી ઓગાળીને કાઢવામાં આવે છે. ભેળસેળયુક્ત ઘીને દાણાદાર બનાવવા માટે, પ્રાણીની ચરબીને ઓગાળવામાં આવે છે અને તેને ઘી જેવું સફેદ પડ આપવા અને તેને સરળતા આપવા માટે ઉમેરવામાં આવે છે. આ પછી એ ઓળખવું મુશ્કેલ બની જાય છે કે તે સાચુ ઘી છે કે ભેળસેળવાળું.
ભેળસેળયુક્ત ઘીમાં ચરબી ?
એક રિપોર્ટ અનુસાર, એક કિલો ઘીમાં લગભગ 500 ગ્રામ પ્રાણીજ ચરબી, 300 ગ્રામ રિફાઈન્ડ પામ ઓઈલ, ફિશ ઓઈલ, 200 ગ્રામ દેશી ઘી અને 100 ગ્રામ કેમિકલ ભેળવવામાં આવે છે.
ઘીમાં ઉમેરવામાં આવતા રસાયણોને કારણે પ્રાણીની ચરબીની દુર્ગંધ દૂર થઈ જાય છે અને દેશી ઘીની સુગંધ આવવા લાગે છે. આવી સ્થિતિમાં ભેળસેળયુક્ત અને અસલી ઘી ઓળખવું મુશ્કેલ બની જાય છે.
કયા રાજ્યમાં ઘીનું સૌથી વધુ ઉત્પાદન થાય છે ?
ઉત્તર પ્રદેશ ભારતમાં સૌથી વધુ ઘીનું ઉત્પાદન કરે છે. આ સાથે, ભારત વિશ્વમાં સૌથી વધુ ઘીનું ઉત્પાદન કરે છે. સરકારી આંકડા અનુસાર, વર્ષ 2020માં ભારતમાં 170 મેટ્રિક ટન દેશી ઘીનું ઉત્પાદન થયું હતું.
ઉત્તર પ્રદેશ પછી પંજાબ, રાજસ્થાન અને ગુજરાતમાં પણ ઘીનું વિપુલ પ્રમાણમાં ઉત્પાદન થાય છે.
હિંદુ ધર્મમાં ઘીનું મહત્વ
ભારતમાં પ્રાચીન સમયથી ઘીનું ઉત્પાદન અને ઉપયોગ કરવામાં આવે છે. આપણા વેદોમાં પણ ગાયના ઘીનું વિગતવાર વર્ણન કરવામાં આવ્યું છે. હિન્દુ ધર્મમાં ઘીનું વિશેષ મહત્વ છે. સદીઓથી તેનો ઉપયોગ માત્ર ખાવા માટે જ નહીં પરંતુ પૂજા માટે અને દવા તરીકે પણ થતો આવ્યો છે.
દેશી ઘીમાં મળે છે પોષક તત્વો
ગાયના ઘીમાં હેલ્ધી ફેટ જોવા મળે છે. તેમાં વિટામિન એ, વિટામિન ઇ, વિટામિન કે અને ઓમેગા 3 ફેટી એસિડ સારી માત્રામાં જોવા મળે છે, જે ખૂબ જ ફાયદાકારક છે. તેનું સેવન કરવાથી ઘણી સમસ્યાઓ દૂર થઈ શકે છે.
પાચનક્રિયા
પ્રાચીન સમયમાં લોકો જમતા પહેલા એક ચમચી ઘી ખાતા હતા. આ આંતરડાને યોગ્ય રીતે કાર્ય કરવામાં મદદ કરે છે અને અલ્સર અને કેન્સર જેવી ગંભીર બીમારીઓનું જોખમ પણ ઘટાડે છે. પાચનતંત્ર યોગ્ય રીતે કામ કરે છે.
ઇમ્યુનિટી
ઘીમાં બ્યુટીરિક એસિડ સારી માત્રામાં જોવા મળે છે જે શરીરમાં રોગ સામે લડતા ટી કોશિકાઓ ઉત્પન્ન કરવામાં મદદ કરે છે. આવી સ્થિતિમાં તેના સેવનથી રોગપ્રતિકારક શક્તિ વધે છે.
ત્વચા
માટે ઘી પણ ખૂબ જ ફાયદાકારક છે. તેનું સેવન કરવાથી ત્વચા હાઈડ્રેટ રહે છે અને ભેજ પણ જળવાઈ રહે છે. આ સાથે તે વાળ માટે પણ ખૂબ જ ફાયદાકારક છે.
હાડકાં માટે
ઘીમાં વિટામિન K સારી માત્રામાં જોવા મળે છે જે કેલ્શિયમના શોષણમાં મદદ કરે છે. જેનું સેવન કરવાથી હાડકાં મજબૂત બને છે અને આ ગુણો દાંતના સડોને રોકવામાં પણ મદદ કરે છે.
મગજનો વિકાસ
ઘીમાં ઓમેગા 3 ફેટી એસિડ અને વિટામીન E મળી આવે છે જે મગજના વિકાસમાં મહત્વનો ભાગ ભજવે છે. ખાલી પેટ ઘીનું સેવન કરવાથી મગજ સંબંધિત સમસ્યાઓથી રાહત મળે છે.
