સુરેન્દ્રનગર જિલ્લાના ચોટીલાના જાનીવડલા ગામમાં ગાંજાના છોડ મળી આવતા ચકચાર મચી ગઈ છે. સુરેન્દ્રનગર એસઓજી (SOG)ની ટીમે આ કામગીરીમાં 36 કિલો 300 ગ્રામ વજનના 30 ગાંજાના છોડ કબજે કરી છે, જેની કુલ બજાર કિંમત રૂ. 3,63,000 થાય છે. આરોપીને ઝડપી આગળની કાર્યવાહી હાથ ધરવામાં આવી છે.
તુવેર અને કપાસના પાકની આડમાં ગાંજાના છોડ
સુરેન્દ્રનગર એસઓજીના પીઆઈ બી.એચ. શીંગરખીયાને મળેલી ચોકકસ બાતમીના આધારે ચોટીલા તાલુકાના રાજપરા ગામના ગોવિંદભાઈ કુકાભાઈ રોજાસરાની ધરપકડ કરવામાં આવી છે. બાતમી અનુસાર, ગોવિંદભાઈએ ચોટીલાના જાનીવડલા ગામની સીમમાં આવેલા પોતાના ખેતરમાં કપાસ અને તુવેરના પાકની આડમાં ગેરકાયદેસર રીતે ગાંજાના છોડનું વાવેતર કર્યું હતું.
ગ્રાહકો માટે ગાંજાનું વાવેતર
આ રિપોર્ટ મુજબ, આ ગાંજાના છોડનું વાવેતર વેચાણ માટે કરવામાં આવ્યું હતું. એસઓજી ટીમે ચોટીલાની સીમમાં દરોડો પાડીને 30 ગાંજાના છોડ કબજે કર્યાં, જેનું કુલ વજન 36 કિલો 300 ગ્રામ છે. આ મુદ્દામાલની બજાર કિંમત રૂ. 3,63,000 છે.
પોલીસની સફળ કામગીરી
આ દરોડા દરમિયાન સુરેન્દ્રનગર એસઓજીના પીઆઈ બી.એચ. શીંગરખિયા અને તેમની ટીમે ગોવિંદભાઈ કુકાભાઈના ખેતરમાં ગાંજાના છોડ કબજે કર્યા. આ કામગીરીમાં પીએસઆઈ એન.એ. રાયમા, અનિરૂદ્ધસિંહ મહિપતસિંહ, અશ્વિનભાઈ ઠારણભાઈ, અરવિંદસિંહ દિલુભા ઝાલા, રવિરાજભાઈ મેરુભાઈ ખાચર, અનિરૂદ્ધસિંહ ભરતસિંહ ઝાલા, મુનાભાઈ નાનજીભાઈ રાઠોડ, બળદેવસંગ અમરસંગ ડોડીયા, જગમાલભાઈ અંબારામભાઈ મેટાલિયા, અશ્વિનભાઈ કરશનભાઈ વાઘેલા, ભાવીકાબેન નરોત્તમભાઈ સાકરીયા, રૂપાબેન રશીકકુમાર જાની સહિતના SOGના કર્મચારીઓની મહત્ત્વપૂર્ણ ભૂમિકા રહી હતી.
ચોટીલા પોલીસ મથકે ગુનો દાખલ
આ મામલે ચોટીલા પોલીસ મથકે ગુનો દાખલ કરવામાં આવ્યો છે. એસઓજી ટીમે આ ગાંજાના છોડ કબજે કરી વધુ તપાસ શરૂ કરી છે.
