જસદણ પોલીસે લાખો રૂપિયાનો વિલાયતી દારૂનો નાશ કર્યો અને પ્યાસીઓના મોઢે ફૂંવારા છુંટયા
હુસામુદ્દીન કપાસી દ્વારા જસદણ
જસદણ વીંછિયા પોલીસ મથકમાં આજે ૧૧ જેટલાં જુદા જુદા ગુનામાં પકડાયેલ લાખો રૂપિયાની કિંમતનો વિદેશી દારૂની બોટલોનો કચ્ચરઘાણ કરતાં પ્યાસીઓના મોઢે ફૂંવારા છૂટ્યા હતાં.
પ્રાપ્ત વિગતો મુજબ અત્રેના જુના રેલ્વે સ્ટેશન ગ્રાઉન્ડમાં જસદણ પોલીસ સ્ટેશનમાં પકડાયેલો રૂપિયા ૩૭,૩૪,૮૪૩નો વિદેશી દારૂ બોટલ નંગ ૧૫,૬૨૪ વીંછિયા પોલીસ સ્ટેશનનો રૂપિયા ૬,૭૯, ૭૨૦ની કિંમતનો વિદેશી દારૂ બોટલ નંગ ૨૦૩૭નો આજે કોર્ટની પરવાનગી મેળવી નશાબંધી પોલીસ સહિત ઉચ્ચ અધિકારીઓની હાજરી વચ્ચે રોલર ફેરવી નાશ કરવામાં આવતાં હાઈ વે પરથી પસાર થતાં પ્યાસીઓના મોઢે ફૂંવારા છૂટ્યા હતાં.
તસ્વીર હુસામુદ્દીન કપાસી જસદણ
