જસદણમાં નગરપાલિકાના સભ્ય વિપુલભાઈ હીરપરાની અગિયારમી પુણ્યતિથિએ સેવાકાર્ય થયાં
જસદણ નગરપાલિકાના ભાજપના સભ્ય વિપુલભાઈ હીરપરાની અગિયારમી પુણ્યતિથિએ અનેકાએક સેવાકાર્યો થયા તે પૈકી તેમના પરિવારજનોએ ચુનારાવાડ પ્રાથમિક શાળાના વિદ્યાર્થીઓને પોષ્ટિક નાસ્તા સાથે છાસ આપી હતી તથા બાળકોને મનભાવતી કેક પણ આપવામાં આવી હતી.
આ તકે શાળાના આચાર્ય અને શિક્ષકો સહિત સ્વ વિપુલભાઈ હીરપરાના મિત્રોએ જહેમત ઉઠાવી હતી અત્રે નોંધનીય છે કે જસદણ નગરપાલિકામાં સ્વ વિપુલભાઈ પટેલએ એક નગરસેવક તરીકે જબરજસ્ત ભૂમિકા ભજવી તેમનાં વૉર્ડના નાગરિકો અને શહેરીજનોને જબરી રાહત આપી હતી.
