જસદણ વિંછીયા પંથકની ગ્રામ પંચાયતની ચૂંટણી નજીક આવતાં રાજકારણીઓ પ્રજાની સેવામાં લાગી ગયા
હુસામુદ્દીન કપાસી દ્વારા જસદણ
જસદણ વિંછીયા પંથકની લગભગ 32 જેટલી ગ્રામ પંચાયતમાં લાંબા સમયથી વહીવટદારનું શાસન હોય અને કેટલીક ગ્રામ પંચાયતોની મુદ્દત પુર્ણ થવાના આરે હોય આથી સરકાર આવી દરેક ગ્રામ પંચાયતની ચૂંટણી યોજવા અંગે ઝડપભેર તૈયારીઓ કરી રહી છે ત્યારે કેટલાક ચૂંટણી જ તેમનાં રોટલા છે એવાં રાજકારણીઓ પ્રજાની સેવામાં વ્યસ્ત બન્યાં હોવાનું જાણવા મળે છે બંને તાલુકાની કેટલીય ગ્રામ પંચાયતો હેઠળ આવતી મોટા ભાગની જમીનો પર આકાઓની મહેરબાની થકી કરોડો રૂપિયાની જમીનો પર વર્ષોથી પેશકદમી છે.
એમાંય આટકોટ ગ્રામ પંચાયત આ તાલુકામાં પેશકદમીમાં રેકોર્ડ તોડ્યો છે રાજકારણી અને તેમના મળતીયાઓએ લોકોના ચાલવાના માર્ગ પર ચણતર કરી નાખ્યું છે કોઈ જાગૃત જન આ અંગે કોઈ ફરિયાદ કરે તો તેમનું આવી બને આવું જંગલરાજ મોટા ભાગની ગ્રામ પંચાયતોમાં રીતસર ચાલે છે આવા માહોલ વચ્ચે બેલેટ પેપરથી ચૂંટણી નજીકમાં યોજાવાની છે ત્યારે ચુંટણીની મોસમમાં પાક લણી લેવા રાજકારણીઓ સક્રિય બન્યા છે ત્યારે ચુંટણીની ચટણી બનાવતા નેતાઓને આગામી ચૂંટણીમાં પ્રજાએ ખાસ ઓળખી લેવાની જરૂર છે.
