વડતાલધામ દ્વિશતાબ્દી મહોત્સવના ઉપલક્ષમાં શ્રી સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રી કષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી એકાદશી નિમિત્તે તા.12-11-2024 ને મંગળવારના રોજ શ્રીકષ્ટભંજન દેવ હનુમાનજીને ફુલોનો શણગાર કરાયો છે.
સવારે મંગળા આરતી પૂજારી સ્વામી એવં શણગાર આરતી પૂજારી શાસ્ત્રી સ્વામી હરિપ્રકાશદાસજી (અથાણાવાળા)દ્વારા કરવામાં આવી હતી. એકાદશી નિમિત્તે દાદાને વિવિધ પ્રકારના શાકભાજી(હાટડી દર્શન)ઓ ધરાવવામાં આવ્યા હતા. સંધ્યા આરતી પૂજારી સ્વામી દ્વારા કરવામાં આવી હતી. દાદાના મંદિરને રોશનીથી શણગારવામાં આવ્યું હતું. આ દર્શન-આરતીનો લ્હાવો મોટી સંખ્યામાં ભક્તોએ લીધો હતો.
